ياهاتفي الجوال كلم وعــلـــم
ونقلي اخبـاره بصــدق وتفصيـل
من عقبهم الجرح ماعاد يلتم
ومن عقبهم دمعي جرى كنه السيل
على حسيـنٍ بالســواد متلـثم
اقفـــى وخلــى حالتــي بالتهـــاويل
وجدي عليه وجود خيلٍ معلم
روح غنايم حرب في حزة الليل
وجدي عليه وجود من جاه فدم
اخبث مرض ويعاني الهم والويل
وجدي عليه وجود من راح فاليم
وتوجدو ربعه وزادو الولاويل
وجدي عليه وجود ورعٍ تيتم
ابوه وامه وزاده الوقت تجهيل
ياسعود لامني زهمتلك قل سم
يمكن تخفف لوعتي والغرابيل
قله ابونايف لسانه تلعثم
وماعاد يقدر فالحكي والاقاويل
وخيم على قلبه من الحزن والهم
ومسا يراقب فالقمر ونجمة سهيل
يالملمس الفتان يا أحمر الفم
يابو عيونٍ سود والكحل تظليل
إن كنت مخطي أبرضاك تحكم
انت الحكم يامعدل اللف والميل
بس اللطف بحالي وعليه ترحم
وارسل رساله ياكثر التجاويل
وسلامتكم
للشاعر / نواف البلاهدي
.. اَلَإهْـدَاَئَـّآتْ ~}.؛
ياهاتفي الجوال
العرض العادي
